Gjenerata e dytë e Google Glass do të vijë me një çip të Intel’it

0

Wall Street Journal raporton se Google po punon për një version të përditësuar të syzeve Google Glass, dhe do të përdorë çipet e Intel-it për të fuqizuar pajisjen teknologjike që vishet. Ky çip i ri do të ndihmojë në përmirësimin e jetëgjatësisë së baterisë, që është një nga aspektet negative të pajisjes për momentin.

Intel dhe Google do të bashkëpunojnë së bashku për krijimin e kësaj pajisjeje teknologjike që vishet, dhe përdorimin e saj tek shumë vende pune. Për shembull, këto syze do të përdoren në spitale.

Akoma nuk dihet se cili harduerë i Intel-it do të përdoret në versionin e ri të Google Glass. Thuhet se çipi i përdorur do të jetë i njëjti i përdorur tek pajisja MICA e Intel-it, që do të dalë në treg gjatë Krishtlindjeve.